CChioe, cchioe lu papa inne l’oe….

CChioe, cchioe lu papa inne l’oe….
Te l’Antoniu Bbrunu

Ausate San Giuanne
E nnu durmire
Cca stta bbisciu
Ttre nuiili enire
Una te acqua
Una te Jentu
Una te triste mmaletiempu
Se iddrhe enunu lassale enire
Ca le mannamu
A quuiddrha rutta scura
A ddhu nu canta addrhu
A ddu nu luce luna
A ddu nu nasce nuddrha criatura

M’ha bbenutuaa mmente
comu cruce
Sta cantilena tuce
Cantata a uce auta
Quannu se apria lu celu cu mme uarda

Lu State era uccusu e surdu
Lu tiempu bruttu
mentia tutti a subbugliu
La luce se nne scia te nn’ura prima
Li scuri li chiutia cu la porta te la cucina

Tutti citti ca lu mmaletiempu
Prima cu sse nnabbae
n’ci ole sape quantu
E nui ca uardamu l’acqua catire fitta
Nne nmmuddrhamu puru picca picca

Nne faciumu lu segnu te la cruce
Cercami iuutu pe la pace
E ne tenimu sthritti sthritti
Commu a quannu
Facia friddu l’autru annu

Sta cchioe
e uardu sulla chiazza
Drha beddrha carusa
cu mme piazza
Cu me tice te si!
ca se sta bagna
E la mintu sutta ieu
cu mme ccumpagna

Me la tegnu sthitta a mie tutta la vita
Nne fazzu la cumpagnia mia preferita
Sperannu ca te fijhi me inche la casa
China te zumparuculi e te cioccolata
Ca ieu la sacciu ca iddrha
ete muddrhisa, tuce e ierduliddrha

beddrha cummare mia
cce t’aggiu tire?
Ue cu l’a iti? Ete puntusa
Fimmene nddaveru tespettusa
Ma è inutile ca futti
Iddrha è tutta pe lla casa

Ca te la vita sulu questu nn’ale
La fimmene toa ca te ole
Te fannu nna sciurnata china ca te ale
Nna frisa, lu pane e picca ulie
Te bbinchianu la panza
Ma intrha allu liettu succede ca
la vita toa ddenta nnu campanieddrhu